चिमढा जवळ अपघात-दुचाकीस्वाराचा मृत्यु

0
303

*ट्रकची दुचाकीला धडक* *दुचाकीस्वार जागीच ठार*
मूल :
मूल गडचिरोली महामार्गावर विरूध्द दिशेने भरधाव वेगात येणाऱ्या एका ट्रकने दुचाकी स्वारास चिरडल्याने दुचाकी स्वार जागीच मृत्यु पावल्याची घटना आज राञौ ७.४५ वा. सुमारास चिमढा लगत घडली. सीजी-०४-एमएस-१८०७ क्रमांकाचा ट्रक चंद्रपूर वरून गडचिरोली कडे जात होता. दरम्यानएमएच-३४ – एडब्लु ६६८८ क्रमांकाच्या अँक्टीव्हा गाडीने एक जण मूलकडे येत होता. दरम्यान भरधाव वेगातील ट्रकने चिमढा या गावाजवळ दुचाकीला जबर धडक दिली. धडक इतकी जोरदार होती की ट्रकने दुचाकीला काही अंतरापर्यत पुढे ढकलत नेले. झालेल्या भिषण अपघातात अँक्टीव्हा चेंदामेंद होवुन दुचाकी स्वाराचा घटनास्थळीच मृत्यु झाला. अपघाताची माहीतीने चिमढा वासियांनी धाव घेताच अपघातग्रस्त ट्रकचा चालक पसार झाला. पोलीस घटनास्थळी पोहोचले, परंतु दुचाकी आणि मृतक दुचाकीस्वार ट्रकच्या मध्ये अडकल्याने वृत्त लिहेपर्यंत मृतक दुचाकीस्वाराची ओडख पटलेली नव्हती.

LEAVE A REPLY

Please enter your comment!
Please enter your name here